Baş Sahypa / BAŞ SAHYPA / Metbugat Üçin Habar
Metbugat Üçin Habar
Metbugat Üçin Habar

Metbugat Üçin Habar

2017-nji ýylyň 4-nji aprelinde Türkmenistanyň Daşary işler ministrliginde ÝHHG-niň Aşgabatdaky Merkeziniň ýardam bermeginde 2017-nji ýylyň 14-15-nji noýabrynda geçiriljek Owganystan boýunça sebitleýin ykdysady hyzmatdaşlygyň 7-nji Konferensiýasyna (RECCA VII) taýýarlyk meseleleri boýunça duşuşyk geçirildi.

Maslahatyň işine Owganystanyň, Azerbaýjanyň, Hytaýyň, Gruziýanyň, Yragyň, Eýranyň, Päkistayň, Russiýanyň, Täjigistanyň, Türkiýäniň, Özbegistanyň we Italiýanyň wekilleri gatnaşdylar.

Hususan-da, duşuşyga gatnaşyjylar meýilnamanyň taslamasyny, taýýarlyk döwründe we RECCA VII Konferensiýasynyň barşynda geçirilmegi meýilleşdirilýän çäreleriň gün tertibi ara alyp maslahatlaşyldy. Bu çäreler Konferensiýanyň esasy bölegi bilen bir hatarda ylmy-amaly simpoziumyň, biznes-forumyň, sebitleýin öndürijileriň harytlarynyň sergilerini geçirilmek mümkinçiligini öz içine alýar.

Maslahata gatnaşyjylar sebitleýin hyzmatdaşlygyň Owganystanyň territoriýasynda energetika, ulag we kommunikasiýa ulgamlarynda wajyp taslamalaryň durmuşa geçirilmegi boýunça amaly ädimleriň kabul edilmeginiň möhümdigine üns berdiler.

Maslahatyň netijesinde geljekki Konferensiýanyň gün tertibiniň we jemleýji resminamasynyň taslamalaryny taýýarlamaga badalga berildi.

2005-nji ýylda Kabulda öňe sürülen Owganystan boýunça sebitleýin ykdysady hyzmatdaşlygyň Konferensiýasy sebitdäki ýurtlaryň Owganystandaky ýagdaýy durnuklaşdyrmak, Günorta we Merkezi Aziýanyň sebitleýin ykdysady integrasiýalaşmak boýunça tagallalaryny jebisleşdirmäge çagyrýar.

Çeşme: Türkmenistanyň Daşary Işler Ministrligi

Meňzeş Täzelikler

Aşgabatly Maşgalalaryň 230-dan Gowragy „Parahat-7/4' Jaşaýyş Jaý Toplumynda Täze Öýlere Göçüp Bardylar

Aşgabatly Maşgalalaryň 230-dan Gowragy „Parahat-7/4′ Jaşaýyş Jaý Toplumynda Täze Öýlere Göçüp Bardylar

Paýtagtymyzyň günorta-gündogarynda çalt depginlerde kemala gelýän ýaşaýyş jaý toplumynda otaglarynyň ýerleşişi gowulandyrylan dokuz gat jaýlaryň …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir